Gunung Salak Tea

Kapungkur nuju ngora, di ajak ku rerencangan (Saeful A. S. & Ateng Sarif Hidayat), nyawang ka gunung salak. harita teu umum milampah ka puncak teh, kumargi hoyong di anteur ku juru kunci, linggihna eta juru kunci teh di pasantren, duka lembur naon etateh, hilap dui, ngan asanamah desa nateh disebatna Desa Jampang-Sukabumi.

Sing horeng di jajab na dugi ka lawang hungkul, teu kungsi nepi ka biwir leuweung Gn. Salak, tapi da kuring mah jeung saparakanca geus tuman deui, nya milampah we terus nu tuntunga nepi ka jajalaneun nu bade ka puncak (jauh keneh padahalmah); iyeu sisi leuweung teh disebatna Kampung Girijaya (jiga salah ngaran salasahiji desa di Lembang tapi dibalikeun "Jayagiri" enya ?).

Di sisi leuweung, kuring jeung saparakanca ngado'a heula sangkan urang di tangtayungan ku gusti nu maha suci dina nyorang jalan nu arek ka puncak tea. Teu kungsi lila nya kuring milampah, ti sisi leuweung kira-kira nyondong waktos 20 menit'an, jalan teh beki letik, sisi kenca jeung katuhu meuni gawir hungkul, aringis ti gebrus we, kumaha nulungan nana, da sora angin ti handap nepi seah jiga cai, (bakating ku luhur), tapi eta gawir teh meni poek teu katingali handap na bakating ku reumeut';

Harita kuring mikir "Pantes mun aya kacarita nu lengit ti iyeu gunung sok tara kapanggih deui, meureun bisa jadi ti gebrus, pan sawarehmah geuning cenah korban Gn. Salak teh kadang kapendak geus tinggal layonna bari palid ka bawa caah, kitu oge lamun usum hujan".

Tapi alhamdullihan, kuring jeung saparakanca salamet, balik isuk indit sore bari mawa cai sa aqua ewang jeung cau sasikat (kuring nu mawa na oge), padahal tatangga Pak Haji mah geus kumpul bisi kunanaon cenah barudak nu kapuncak;